KORONADAL CITY- Ginsabat sang Surallah Vice Mayor ang pagkwestyon sang Governor sang So. Cot. may kaangtanan sa liderato sang SB-Surallah sa pag-zero sa intelligence fund sang alkalde sa nasambit nga banwa.
Sa interbyu sang Bombo Radyo Koronadal kay Surallah Vice Mayor Antonio Bendita ginpaklaro sini nga indi pwedi suno pa nga aprubahan ang P10 milyon nga intelligence fund nga suno pa nga ginapangayo ni Mayor Matinong bangud isa ini ka pagbayolar sa layi.
Dugang pa sini nga nakasaad sa layi nga ang intelligence fund ang yara sa 30% lamang sang kaug-usan sang peace and order and public safety plan.
Suno pa kay Bendita, yara sa P21 milyon ang pondo sini sa karun sa ila nga peace and order and public safety plan kung sa diin kapin P6 milyon lamang ang dapat nga intelligence fund ni Mayor Matinong apang indi suno pabor ang alklde sa nasambit nga kantidad.
Madumduman nga ginaduso ni Governor Tamayo nga dako ang bulig kag importansya sang intelligence fund sa isa ka banwa agud nga mapabilin ang peace and order sa nasakupan sini nga mga lugar.
