KORONADAL CITY- Ginpaidalom ang duha ka banwa sa Socksargen Region sa state of calamity bangud sa pagpanalasa nga ginbilin ni Bagyong Paeng.
Ini ang ginpahayag ni Ms. Jorie Mae Balmediano, information officer sang OCD-12 sa interbyu sang Bombo Radyo Koronadal.
Suno kay Balmediano, ang mga banwa sang Pigcawayan kag Libungan sa North Cotabato ang yara sa state of calamity bangud sa linibo ka mga pamilya ang apektado kag nagapabilin sa evacuation center bangud sa pagkaguba sang ila nga mga panimalay kag mga palangabuhian.
Nahibaluan nga tatlo naman ang napagkit nga napatay- duha sa Kalamansig Sultan Kudarat kag isa halin sa Lake Sebu South Cotabato.
Ginkumpirma man sini nga may mga lugar pa sa gihapon sa North Cotabato kag Sultan Kudarat ang ginabaha tubtub sa karon.
Luwas sa mga lugar nga ginpaidalom sa state of calamity, apektado man ang mga lugar sang Midasayp kag Aleosan sa North Cotabato; Palimbang , Kalamansig kag Lebak sa Sultan Kudarat ; mga banwa sa South Cotabato , Saranggani Province kag General City.
Sa karon nagapadayon ang monitoring kag clearing opeartion sa sang OCD 12 sa mga lugar nga indi pa passable agud mahatagan sang nagakigo nga bulig.
