KORONADAL CITY – Pormal na nga ginpasakaan sang kaso nga murder ang manunudlo nga gina alegar nga mastermind sa pagpatay sa isa ka college student sa banwa sang Tampakan, South Cotabato.
Ini ang ginkumpirma ni Police Capt. Juncin Rafols Aput, Chief of Police sang Tampakan PNP sa interbyu sang Bombo Radyo Koronadal.
Ginkilala ang biktima nga si Jade Vince Eribal, 21 anyos, residente sang Purok San Isidro, Brgy. Pobalcion, Tampakan South Cotabato.
Samtang ang suspek ang ginkilala kay Rustom Pedrosa Baloyo, 33 anyos kag residente sang Barangay Purok Mainuswagon, Poblacion, Tampakan, South Cotabato, isa ka manunudlo sa isa ka public school kag miyembro sang LGBTQ Community.
Suno kay Aput, klaro ang ebidensya nga nagatumod sa suspek bangud nakwaan ini sang CCTV Footage kag nasambit pa sang biktima ang pangalan sang suspek antes ini gin bawian sang kabuhi.
Sandig sa imbestigasyon sang Tampakan PNP, naguwa nga selos ang motibo sang suspek sa krimen.
Madugay namna suno pa nga may indi maayo nga paghangpanay ang duha kag makapila na bes nga nakabaton sang death threat ang biktima halin sa suspek.
Gingamit suno pa sang suspek ang FB Account sang abyan sang biktima nga amo naman si Jonel Escobillo Vega agud nga matabo ang plano sini batok sa biktima.
Kung madumduman, napatay si Eribal makaligad nga bun on ini sang naglabay nga Sabado sang gab i, oktubre 8 sa Barangay Poblacion, Tampakan.
