KORONADAL CITY- Nag-abot sa isa ka dosena nga pamilya ang nangin apektado sang baha,ginapatihan nga buhawi kag hail storm sa bahin sang barangay Poblacion, Tantangan South Cotabato pila ka oras makaligad nga nag igo ang 5.9 magnitude sang linog.
Ini ang gin kumpirma sa bombo Radyo ni Mr. Rolly Doane Aquino, Head sang PDRRMO-South Cotabato sa interview sang Bombo Radyo Koronadal.
Suno sa iya, nangin apektado ang 12 tanan ka mga pamilya makaligad nga nag-igo ang halus sundanay nga 4 ka mga kalamidad sa diin nalakip ang 5.9 magnitude nga linog.
Masuwerte naman nga wala sang napatay ukon nagkalapilasan nga mga residente sa amu nga lugar makaligad nga mga kalamidad.
Madasig naman nga nagpaabot sang bulig ang talatapan sang DSWD kag LGU-Tantangan sa mga apektado nga mga residente.
Madamo man sang nag post nga mga netizens sa Social Media may kaangtanan sa pag-ulan sang yelo ukon ice kag ang pagbaha.
Padayon naman ang pagpahanumdum sang PDRRMO sa tanan nga mangin alerto sa tanan nga ti-on labi nagid sa Earthquake ukon pag tay-og bangud wala pa sang mga apparatus nga maka-predict sang palaabuton nga pagtay-og.
Kung madumduman nakaeksperyensya sang pagtay og nga yara sa magnitude 5.9 sang sabado nga ang nangin sentro amo ang Datu Blah, Sinsuat, Maguindanao.
Kag ang South Cotabato ang nakaeksperyensya sang Intensity IV.
Samtang Magnitude 5.5 naman ang na-ekperyensiyahan kahapon sa diin ang epicenter ara sa Davao Del Sur.
