KORONADAL CITY – Madamo sang natabo sang naglabay nga eleksiyon nga halos tanan may partisipasyon.
Ini ang ginalakipan sang pagpangdaya paagi sa vote buying kun diin halos tanan “involve” mga nagakontrahanay nga partido kag mangin ang mga botante.
Suno ini kay Atty. Gerard Mosquera ang Cllege Dean sang NDMU Law School sa interbyu sang Bombo Radyo Koronadal.
Ginpahayag ni Atty. Mosquera nga apisar sa sini nga realidad wala sang may mangisog nga magreklamo pormal sa Comelec bangud tanan may partisipasyon sa sini nga buluhaton.
Gindugang pa sini nga kita nga mga botante gintagaan sang ginatawag nga democratic rights apang kita man mismo ang nag-abuso.
Madumduman nga sang naglabay nga eleksiyon nagadata ang pagpangbakal sang boto sa bug-os nga pungsod apang wala sang may isa man lamang nga nadakpan ukon napahamtangan sang penalidad sang komisyon.
