KORONADAL CITY – Ginaawhag ni Ka Eric Almendras sang NTF-ELCAC ang masunod nga administrasyon ni Presumptive President Ferdinand “Bongbong” Marcos nga bag-uhon ang mga pagsulundan sa UP kag iban pa nga unibersidad nga ginapanag-iyahan sang gobyerno.
Ini ang reaksiyon ni Almendras sa mga panawagan sang UP leaders nga mag-upod sa igapatigayon nga boycott bilang hublag protesta sa nangin resulta sang eleksiyon matapos magpanguna ang Marcos-Duterte tandem.
Suno kay Almendras, ang mga rally kag protesta nga ini ang kinamatarong sang mga estudyante apang ini man ang nagahatag sang conspiracy ukon pagpakighimbon sa CPP-NPA-NDF pag-abot na sa massive recruitment sang pag-alsa kag pagkontra sa gobyerno.
Gani, ginainsister ni Almendras nga dapat mangibabaw ang rule of law kag best interest sang mga pumuluyo kag indi sang mga pulitiko nga sakon sa poder.
Kaangot sini, ginaduso man ni Almendras nga dumilian ang mga estudyante nga magpatigayon sang protesta sa tion sang school hours agud mapabilin ang seguridad sang kadam-an.
Nagapati man ini nga ang Ang demokrasya kag diritso sang tawo may limitasyon.
