KORONADAL CITY- Mas mabug-at kag nabudlayan pagid sa subong ang pagpangabuhi para sa mga tricycle drivers sa syudad sang Koronadal bangud sa pagtaas na naman sang presyo sang gasolina.
Ini ang nangin pahayag ni Amancio Bugnos Jr. isa ka tricycle driver sa syudad sa interview sang Bombo Radyo Koronadal.
Suno sa iya, nga dako gid epekto ini sa ila nga mga drivers sa ila nga pagbyahe bangud nga kulukasubong pila lang gid ang ma gross sa pagbyahe kada adlaw, lunsay sa iya nga sitwasyon may yara lamang ini nga gross nga 500 sa isa kaadlaw, kulang katama gid bangud amo lamang ini man ang ila nga source of income, kulukasubong nga naga panimpalad lang nga daan ang ila nga pangabuhi sa kada adlaw , dugangan pa sang panibag-o nga oil price hike sang halos tanan nga mga gasoline station nga naga padugang man sa kapigaduhon nga ila ginabatyag.
Gindugang pa sini nga sa karon, tani mapamatian sang gobyerno ang ila naman nga mga himumun ot bangud para man ini sa ila nga palangabuhian.
Nahibaluan nga mangin epektibo ini Marso 8,2022, Martes nga adlaw, nagpatuman ang mga kumpanya sang gasolina sang pagtaas sang presyo sang P3.60-P3.80 kada litro para sa gasolina, P5.30-P5.50 kada litro ang gintaas para sa diesel, kag P4.00-P4.10 kada litro naman ang gintaas para naman sa kerosene.
