KORONADAL CITY – Nagapadayon sa karun ang imbestigasyon ang mga otoridad sa nagluntad nga pagpangluthang-patay sa isa ka CAFGU member sa bahin sang provincial road, Purok Daisy, Brgy Direlon, Banwa sang Banga ,South Cotabato.
Ini ang ginkumperma ni Banga Mayor Albert “Boyet” Palencia sa interview sang Bombo Radyo Korondal.
Ginkilala sini ang biktima nga si Jimboy Bansawan, 24 anyos kag residente sang Sitio Ebenizer, Brgy. Rang-ay sa nasambit nga banwa kag isa ka miyembro sang 11th Company sang CAFGU nga naka distino sa sa Brgy. Lamba. Banga South Cotabato.
Base sa inisyal nga imbestigasyon sang mga otoridad, papuli na kuntani ang biktima sa ila nga puluy-an halin sa detachment sang hinali nga gin luthang ini sang wala pa makilal-an nga mga suspek nga naka motor pag-abot sa ginluntadan sang krimen usar ang Calibre 45 nga armas.
Nakaangkon sang igo sang bala ka kalawasan kag ulo ang biktima nga nangin tunaan sang iya nga kamatayon.
Suno naman kay PCapt. Joseph Villanueva, hepe sang Banga PNP, posible nga isa sa mga kaupdanan sang mga wala na ginpangalanan nga mga suspek nga gin kulong sa Banga PNP makaligad makuhaang sang pila ka mga eksplusibo nga si Bansawan mismo ang nag dakop sa mga ini.
Abri naman ang mga kapulisan sa tanan nga anggulo sa pagpangluthang-patay sang nasambit nga lugar.
