KORONADAL CITY- Nagapadayon sa subong ang imbestigasyon sang pulisya sa natabo nga pag panglutang patay sang isa ka abogado sa banwa sang Surallah, South Cotabato.
Ginkilala ang biktima nga si Atty.Juan Macababad,yara sa legal nga edad kag residente sang Zone 2, Barangay Libertad, Surallah, South Cotabato.
Sa interbyu sang Bombo Radyo Koronadal kay Mayor Antonio Bendita, yara sa sulod sang gate sang ila nga puluy-an ang biktima nga iga sirado kon tani apang may duha ka motorsiklo nga duag itom nga nag palapit sa iya kag tigayon nga gin lutang sang pila ka beses.
Nakaangkon sang madamo nga igo sang bala sa dughan kag ulo ang nasambit nga abogado.
Gindangat pa ang biktima sa Javelosa Hospital apang dead on arrival sang nag abot sa balay bulul-ngan.
Hinali nga nakapalagyo ang mga suspek nga nakasuksok sang mask kag bonnet.
Sa subong, indi pa natumod ang motibo sa pag pang lutang patay sa abogado samtang bag-o suno pa nga natabo ang insidente may nabaton ini sang death threat ang biktima.
Hustiya naman ang ginasingitan sang pamilya, abyan kag mga kaupod sini sa natabo sa biktima.
