-- ADVERTISEMENT --
KORONADAL CITY -Nangin biktima sang snatching sa bahin sang Mabini Extension Poblacion, Tacurong City ang isa ka persona nga nadulaan suno pa sang isa ka milyon ka pesos.
Ini ang ginpahayag ni Police Lt. Col. Joan Maganto, hepe sang Tacurong PNP sa interbyu sang Bombo Radyo Koronadal.
Suno kay Maganto, nakasulod sa bag ang nasambit nga dako nga kantidad sang kwarta nga ginapanag iyahan sang isa ka 30 anyos nga babaye nga wala pa ginhingadlan nga nagsakay lamang sa tricycle sang gin-sabnit ang iya bag sang makawat.
Gindala naman sa hospital ang biktima matapos nga may naglampos suno pa sa likod sini.
Samtang, gilayon naman nga nagpalagyo ang suspek.
Sa karon, nagapadayon ang imbestigasyon sang mga otoridad sa nagluntad nga pagpangawat.
