KORONADAL CITY – Nangin malipayon ang mga pinoy kag iban nga mga lahi sa nangin resulta sa paghampang ni Carlo Paalam sa patag sang Boxing.
Ini ang ginpakigbahin ni Jocel Palma, Bombo Samurai Reporter sa Tokyo Japan interbyu sang Bombo Radyo .
Suno sa iya madamo gid sang may nagpabugal sa nangin resulta sang hinampang ni Carlo Paalam.
Madamo man suno pa ang nagahambal nga mga hapon nga basta hampang sa patag sang hinampang, kilala gid kag maayo g ang mga Pinoy.
Apisar wala man naaangkon ang bulawan nga medalya sang aton pambato nga si Paalam, nakit-an kag nahibaluan man sang tanan nga ginpakita ni Paalam ang iya ikasarang agud maangkon lamang ang kadaugan kag isa na ini ka bugal nga nadugangan naman ang medalya sang Pilipinas-ang silver nga medalya.
Dugang pa ni Palma, nakitaan man sang agresibo kag determinasyon si Paalam sa iya nga paghampang bangud tuman man ang iya paghimakas para lamang malutos ang iya nga kasumpong.
Indi naman ini kawalan pa sa Pilipinas bangud isa na ini kadako nga bugal ang nakuha sang pungsod sa aton nga pambato nga si Carlos Paalam sa patag sang boxing.
