KORONADAL CITY – Maga sang-at sang kaso nga Administratibo kag Kriminal ang Gobernador sang South Cotabato nga si Governor Reynaldo S. Tamayo Jr batok sa alkalde sang banwa sang T’boli South Cotabato nga si Mayor Dibu Tuan bangud suno pa sa alegasyon sang kurapsyon bangud sa pagpanghilabot sang alkade sang pundo sang banwa para sa personal nga interest sini.
Ini ang ginkumperma mismo sang Gobernador sa interview sang Bombo Radyo Koronadal.
Suno kay Governor Tamayo maathag nga may kurapsyon sa munisipyo sang T’Boli bangud natingala suno pa ang pila ka mga Tax payers labi na ang pila ka mga pribado nga kumbuyuhan sa Tboli nga naga bayad ang mga ini sang ila nga mga buwis apang wala suno pa ini naga sulod sa Treasurer sang banwa sang Tboli rason nga makatilingala gid.
Dugang pa sang Gobernador, tuyo niya nga makita ini bangud may parte ukon shares man ang South Cotabato nga 35% halin sa tax collection sang banwa sang T’boli, South Cotabato kag dako nga kawad-an ini sa tion nga indi makuha sa amu nga banwa.
Magluwas pa sa pagsang-at sang kaso sa Sangguniang Panlalawigan,magapasaka man sang kaso nga Krimenal ang Gobernador batok sa Alkalde sa Office of the Ombudsman sa umalabot pa nga mga inadlaw pinaagi sa Provincial Legal Office sang South Cotabato.
Samtang ginpanginwala man sini ang alegasyon nga naga pamulitika ini kag ginpahayag nga para sa South Cotabato ang iya nga ginahimo.
