KORONADAL CITY – Nagkalaguba ang pila ka mga parte sang dalan kag pila ka mga puluy-an bangod sa gulpi nga pagkalatiphag sang pila ka parte sang pil-as bangud sa pagbaha nga tuga sang mabaskog nga ulan sa Purok Tuburan, Brgy. Lambayon, Tampakan South Cotabato.
Ini ang gin tagaan sang punto ni Kapitan Romeo Sitcharon, Brgy.Lambayong, Tampakan, South Cotabato sa interview sang Bombo Radyo Koronadal.
Suno sa opisyal, hinali nalang nga nabuhang ang pila sa mga nabukid nga bahin sang iya nga barangay bangud sa tubig baha nga tuga sang wala untat kag inoras nga pag-ulan.
Dugang pa sini, nakita nya man suno pa ang sitwasyon sang pila ka mga residente sa iya nga barangay kag ang pagkalaguba sang parte sang mga puly-an sang mga ini.
Dugang pa sini, mabudlay man kag indi maayo ang ila nga alagyan sa lugar bangud gin dalasa ini sang baha kag nagkaguba.
Pagpasiguro naman sini sa mga apektado nga resende nga maga dihon sang tikang ang iya nga pamunuan para sa pag pakay-o sang mga apektado nga bahin sang iya nga baranggay.
Magapangayo man san inisyal nga bulig ang iya nga pamunuan sa munisipyo sang Tampakan para sa pag pang repair kag ayuda para sang mga apektado nga mga residente.
