KORONADAL CITY – Gin anod ang tanan ka mga kagamitan sang tag iya sang isa ka puluy an nga gindalasa sang tubig baha.
Ini ang ginpakigbahin ni Beverly Pillejera, tag iya sang balay nga nadalasa sang pagbaha sa interview sang Bombo Rady Koronadal.
Suno sa iya takna mga alas 4:30 gulpi lamang nga nagkusog ang ulan kag nangin tunaan sang pagbaha kag nagsulod na ini sa ila nga puluy an .
Amat amat man nga ginpangkuha nila ang ila nga mga gamit apang wala gid naagapan ang tanan bangud sa kakusog kag kadasig sang baha.
Binapay an na lamang nila ini kag ang masubo pa kay ang ila nga importante nga gamit labi na ang mga documents wala gid nasalbar.
Ang importante maluwas lamang nila ang ila nga kaugalingon// Sa karon lutak na lamang ang makit an sa ila nga lugar.
Dugang pa ni Beverly, sa higad na lamang sila sang dalan nagtinir kag ginhulat nga maghugpa ang tubig-baha.
Sa subong nagapanagayo nman sila sang bulig sa ila nga LGU bangud madamo gid sila sang mga gamit nga wala nasalbar.
