KORONADAL CITY – Gin lutang patay ang isa ka persona sa atubangan sang China Town partikular sa Poticar kahapon sang hapon masubra alas 5 sang hapon.
Sa interbyu sang Bombo Radyo Koronadal kay Barangay Kagawad sa GPS Danny Delos Reyes nga gin kilala suno pa ang biktima nga si Ryan Egoy 35 anyos kag residente sang Barangay Esperanza syudad sang Koronadal.
Sa initial nga impormasyon nga gin pakigbahin sini nga samtang nag pamakal sang sigarilyo sa isa ka tindahan ang biktima hinali naman nga gin palapitan sang suspek nga naka sakay sa isa ka motorsiklo nga may kalayuon nga gina bulubanta 38 ka metro nga naka bunet kag naka face mask ang angkas sini.
Nahibaluan naga atipan sang baka ang biktima sa likod sang China Town kag isa man ini ka ahente sa pag baligya sang baka .
Suno kay kagawad naigo sa ulo ang biktima rason nga nangin tunaan sang iya nga kamatayon , Samtang Hustisya naman ang gina singgitan sang iya nga pamilya.
Sa subong naga padayon ang imbistigayon sang Otoridad kong ano ang motibo sang krimen.
