KORONADAL CITY – Nakit-an ang isa ka hand grenade sa banwa sang Polomok, South Cotabato sang Hulyo 6,2021, martes nga hapon.
Ini ang ginkumpermar ni PLT. Redin Cuevas, Deputy Chief sang Polomolok PNP sa interview sang Bombo Radyo Koronadal.
Suno sa opisyal, isa ka 10 anyos nga bata nga lalaki ang nakakita sang hand grenade takna alas 2 sang hapon sa Purok Riverside, Silway 7, Polomolok South Cotabato.
Abi sang bata isa lamang ini ka halampangan amo nga gindala niya ini sa ila nga balay.
Ginhatag kag ginpakita niya ini sa iya ginikanan kag didto nila natukiban nga isa ini ka hand grenade.
Gilayon man nga ginturn over sang ginikanan sang bata sa Polomolok PNP.
Base man sa imbestigasyon, may yara gid sang posibilidad nga mag sigabong ang ini nga hand grenade kung wala naagapan.
Amo nga dako ang pagpasalamat sang Polomolok PNP nga nakit an ini sang bata sa kilid sang dalan , kay kung wala madamo naman sang kabuhi ang maulamid ukon nautas bangud madamo sang panimalay ang katupad sini kung sa diin nakit an ang nasambit nga hand grenade.
