KORONADAL CITY – Tunga nalang ang bahin sang lawas nga nakita sa isa ka lapsag nga bag-o bun-ag makaligad nga gin abandona ini sang wala pa makilal-an nga iloy isa ka kasagbutan malapit sa isa ka puluy-an sa bahin sang Brgy. Banali, Senator Ninoy Aquino, Sultan Kudarat.
Ini ang ginkumpermar ni PCPT Roberto Trinidad,Hepe sang Senator Ninoy Aquino PNP sa interview sang Bombo Radyo Koronadal.
Suno sa hepe, nagdangop sa ila nga opisina ang isa ka persona, makaligad nga nakita sini nga may ginakaun ang iya nga hinuptan nga baboy nga iya ginhigot sa isa ka puno sang saging.
Nakibot nalang ini sang makita nga isa ka lapsag nga babae ang ginakaun sang iya nga baboy kag halos katunga na sang lawas sini ang nadula.
Madasig naman sini nga gin palayo sang tag-iya ang iya nga baboy kag nagpanawag sang mga opisyal sang barangay kag mga kapulisan.
Gilayon nga gin kumperma man sang isa sa mga midwife nga nagresponde sa lugar nga isa ka bag-o bun-ag nga lapsag ang nakaun na sanag baboy.
Nahibaluan ang halos 100 metros lang ang kalayo-on sang dalan sa lugar kun sa diin nakita ang bata.
Gilayon naman nga gin butang sa isa ka plastic ang amu nga lapsag kag gindala sa isa ka punerarya sa ila nga lugar.
Samtang naga panawagan naman ang hepe sa mga pumuluyo sang kooperasyon sa mga may ideya sa amu nga insidente kag kadungan man sini ang padayon nga imbestigasyon sang mga kapulisan.
