KORONADAL CITY – Nagalabot suno pa sa danger zone ang occupancy rate sang mga COVID-19 referral hospitals sa South Cotabato kung sa diin yara ang syudad sang Koronadal bilang regional center nga ikaduha sa pinakamataas nga porsiyento sa pagsaka sang kaso sa bug-os nga pungsod suno naman sa OCTA research.
Sa datus nga gin paguwa sang Integrated Provincial Health Office (IPHO)- South Cotabato, ang occupancy rate sang mga COVID 19 referral hospital sa probinsya ang yara sa 95.83%, samtang fully utilized ang mga intensive care units ukon ICU beds.
Ang mga balay bulul-ngan nga nakabaton sang mga confirmed kag probable COVID 19 patients bangud sa pagsaka sang numero nga nagpositibo ang tuman nga nagakapuno na.//Sa kabug-usan , ang probinsya may yara sang 96 COVID 19 hospital beds, 10 ICU facilities, duha ka dialysis slots, kag 11 mechanical ventilators.
Kabahin sa referral facilities ang South Cotabato Provincial Hospital (SCPH), Allah Valley Medical Specialists’ Center Inc sa Koronadal City; Soccsksargen General Hospital (SGH) at Dr. Arturo P. Pingoy Medical Center kag Landero Clinic and Hospital sa Surallah mangin man ang Howard Hubbard Memorial Hospital sa Polomolok.
