KORONADAL CITY- Patay ang 2 ka mga motorista samtang wasak naman ang atubangan nga parte sang motorsiklo nga ginaskyan sang mga ini makaligad maulamid sa isa ka vehicular accident sa kalabaon sang Gensan Drive,Brgy. Zone 3, sa syudad sang Koronadal pasado 1:30 kagina sang kaagahon
Suno sa Koronadal City traffic section, naguwa sa ila imbestigasyon nga samtang gina-subay suno pa sang isa ka RS 125 motorsiklo nga naga duag pula ang kalabaon sang Gensan drive sakay ang isa ka John Lester Bugna nga driver kag ang angkas sini nga si Dominic Superal Soriano nga residente sang Brgy.Simsiman sa banwa sang Norala South Cotabato.
Ginasundan suno pa sang motorsiklo nanday Soriano sa parehas nga direksyon ang isa ka Trailer Truck nga ginamaneho ni Alben Oliveros 47 anyos kag residente sang Purok Damsite,Brgy.Saravia,Koronadal.
Pag-abot sa ginluntaran sang aksidente , nagbangga ang motor nanday Soriano sa likod nga parte sang Trailer Truck.Sa kakusog sang impact, gupi ang nalikod nga parte sang Truck kag nakaangkon sang serious physical injuries sa nagkalain lain nga bahin sa kalawasan.
Gindangat pa sa pinakamalapit nga balay bululngan ang mga biktima apang gin deklarar nga Dead On Arrival ang mga ini.
Nagapadayon naman ang maid-id nga imbestigasyon ang mga otoridad sa nagluntad nga aksidente.
