KORONADAL CITY – Nakapagkit na sang una nga kaso sang firecracker-related injury ang probinsya sang South Cotabato apesar pila ka adlaw pa ang ginahulat antes ang bag-ong tuig.
Sa tunga ini sang naeksperyensiyahan nga pandemiya tuga sang covid-19 virus.
Sa interbyu sang Bombo Radyo Koronadal kay Dr. Alah Babe Vingno, ang OIC chief sang South Cotabato Integrated Provincial Health Office, isa ka 11 anyos nga lalaki halin sa banwa sang Surallah ang nalukpan sang “flying tiger” sa iya nga nawong sadtong Disyembre 14.
Apang yara na sa maayo nga kahimtangan ang menor de edad kag nakapauli na sa ila panimalay.
Padayon naman ang panawagan sini sa mga pumuluyo nga indi mag-usar sang mga palupok sa pagsaulog sang bag-ong tuig.
Nahibaloan nga magaumpisa ang pag-record nila sang mga firecracker-related injuries umpisa sa Disyembre 21.
