KORONADAL CITY – Mas kumbinsido suno pa ang pila ka mga Filipino sa estado sang Georgia nga nagakaangay suno pa nga magdaog si Democratic nominee Joe Biden kumpara kay US President Donald Trump sang Republican party.
Ini ang ginpahayag ni Bombo international correspondent Arjho Carino Turner sa interbyu sang Bombo Radyo Koronadal.
Suno kay Turner nga tumandok sang Brgy. Landan, Polomolok, South Cotabato, mas mapatihan suno pa ang ginahimo nga stratehiya ni Biden sa pagpang-engganyo sang boto sa mga pumuluyo bangud nagatuman ini sa health protocols, indi kasubong kay Trump nga luyag ang madamo nga tawo nga magpamati sa iya apang nagabayolar naman sa health protocols nga mahimo naman nga umpisahan sang covid-19 kag mangin super-spreader ini.
Magluwas diri, ginpakigbahin man diri, nagasaylo man ang pila ka die-hard Republicans kay Biden bangud luyag nila nga suportahan ang ila pungsod kag indi ang ila partido sandig sa ginatawag nga “Lincoln Project”.
Nahibaloan nga ang Georgia ang may yara sang 16 electoral votes, kun sa diin kasamtangan ini nga swing state, butang nga isa sa mga estado nga ginapangluyagan subong sang magtimbang nga bahin.Top
