KORONADAL CITY – Nagakahangawa tubtob sa subong ang rescue kag relief efforts sang North Cotabato LGU para sa mga residente nga tuman nga naapektohan sang pagbaha.
Suno kay Engr. Arnulfo Villaruz, ang operations chief sang PDRRMO-North Cotabato sa interbyu sang Bombo Radyo Koronadal, nadugangan pa sang yara sa 700 ka pamilya ang apektado halin sa tatlo ka barangay sa banwa sang Kabacan rason nga nagsaka ini sa kapin 2,000 ka pamilya.
Nagdugang pa diri ang 22 barangay halin sa banwa sang Pikit. Suno kay Villaruz, prayoridad nila sa subong sa rescue efforts ang mga lugar nga lampas sa tawo ang kadalumon sang tubig-baha.
Sa pagkamatood nag-arkila na sila sang mga baruto para sa ila mga rescue efforts.
Samtang padayon nga ginapangita sang disaster teams an nadula nga 44 anyos nga lalaki nga resaidente sang Brgy. Lawaan sa banwa sang Mlang makaligad gin-anod sang tubig baha sang ginhana sini nga magtabok.
Sa subong nagapabilin ang kadam-an sa mga apektado nga residente sa evacuation centers samtang ang iban naman ang nakitener sa ila mga himata.
