-- ADVERTISEMENT --
KORONADAL CITY – Naglab-ot na sa tatlo ka barangay ang apektado sang mga tension cracks kag mga landslides sa banwa sang Lake Sebu nga tuga sang asud-asod nga pagbunok sang mga mabaskog nga pag-ulan.
Suno kay Lake Sebu Mayor Floro Gandam ang mga barangay nga apektado ang ginalakipan sang barangay Ned, Lamcade kag Lamfugon kon sa diin may yara sang mga mayor nga dalanon nga daw haluson na nga maagyan sang mga behikulo kag mangin man sang mga pumuluyo.
Nagapadayon sa subong ang ocular inspection sa mga lugar nga apektado agud mahibaluan ang mga kabug-usan nga damyos sang nasambit nga kalamidad.
Dugang pa sini nga sa gilayon nga ginmando ang paghatag sang pauna nga bulig sa mga apektado nga pamilya samtang nagapadayon pa ang assessment.
