Kabaskugon sang Typhoon Haishen wala ginalauman apisar nakapreparar ang pagpanalasa; mga panimalay halos gintay-og bangud sa mabaskog nga hangin kag ulan.

KORONADAL CITY – Kabalaka ang nabatyagan sa mga residente sa pungsod Japan makaligad ang pagpanalasa nga bagyong Haishen okon bagyong Kristine sa local nga ngalan sini
Sa eksklusibong interbyu kay Bombo International Correspondent Sunbeam Manodal Taniguchi, tomandok ini sa Poblacion Tboli South Cotabato halos yara sa 30 ka tuig nga residente kag nagaubra sa nasambit nga pungsod, ginpakigbahin sini tuman ang kabaskugon sang hangin kag balod sa dagat ang ila nga naagoman kong sa diin ila nga kabalayan ang gin tay-og.
Suno sa iya, ang Kyushu area ang tuman naapektuhan sang bagyo apisar yara sila sa 500 meters man ang kalayuan nila sa land fall sang bagyo nabatyagan nila ang kalain sang panyiempo.
Tuman nga nahalitan ang mga panimalay kag mga tanom ang makit-an sa pila ka mga dalanun. Mangin ang tanyag okon sikat nga tourist spot nga Yamaguchi Prefecture ang naguba sang nasambit nga kalamidad.
Dugang sini, apisar nakapreparar ang mga residente indi sa gihapon nga ginalauman ang tuman nga kabaskugon sang bagyo nga nagluntad.
Sa subong, nagapangamuyo ini nga malampuwasan ang ginapangatubang nila nga problema sa ila nga pungsod bangud sa bagyo mangin ang kaso sang Covid-19.
Kong madumduman, yara sa kapin ka 50 ang na report nga pilason samtang 4 naman diri ang missing bangud sa tuga sang nasambit nga bagyo.