KORONADAL CITY – Ginkumpirmar sang Sultan Kudarat Integrated Provincial Health Office nga may yara na sang kaso sang local transmission sang covid-19 sa nasambit nga probinsya.
Kasunod ini sang pagkapatay sang 61 anyos nga manunudlo nga nagpositibo sa virus halin suno pa sa duha ka bata sini nga bata sini nga frontliner.
Magluwas diri, ginarekomendar man nga ipadalom sa partial lockdown ang Sultan Kudarat Provincial Hospital kun sa diin mga emergency cases lamang ang pasudlon kag hatagan sang ligwa ang disinfection.
Sa eksklusibo nga interbyu sang Bombo Radyo Koronadal kay Sultan Kudarat Integrated Provincial Health Officer Dr. Gina Galinato, ila pa nga ginahibalo kun sa diin naghalin ang transmission sang covid-19 virus, apang ginpasiguro sini nga kontrolado nila ang sitwasyon.
Dugang sang opisyal, medyo pabudlayan man ang pag-contact trace sa kapin 240 nga mga nakasulapo sang covid-19 patient apang may ginahimo na sila nga paagi agud mapadasig ang pag-contact sa mga ini.
