KORONADAL CITY – Ginakabig nga ikaduha nga kabuhi sang isa ka OFW sa Minnesota, USA ang pag-ayo sini sa covid-19 makaligad niya ini nga ginpakigbatoan kag nadag-an.
Sa eksklusibo nga interbyu sang Bombo Radyo Koronadal kay Bombo International Correspondent Daniel Quindao Guden, isa ka COVID 19 patient survivor, ginpakigbahin sini ang iya eksperyensiya samtang nagapaayo sa nasambit nga balatian.
Suno sa iya nga iya ginabasol ang iya kaugalingon bangud ginpasirado ang departamento sang kumbyohan nga iya ginasudlan makaligad nahibaloan nga nagpositibo ini sa coronavirus rason nga ginpaidalom man sa test, samtang may yara man nga indibidwal sa iban nga departamento ang nagtaliwan.
Apang wala siya nagpadala sa iya kahimtangan kag ginpabaskog ang iya buot pinaagi sa bulig kag mga suporta nga nabaton halin sa mga mahal sa kabuhi.
Ang nasambit nga pag-ayo kag paghatag sa iya sang ‘second life’ isa suno pa ka bugay halin sa Makaako.
Ginlaygayan man sini ang pipila nga indi pagpabay-an ang ikaayong lawas agud indi malatnan sang anuman nga balatian.
