KORONADAL CITY – Yara na sa maayo nga kondisyon ang 9 ka bulan nga lapsag sa siyudad sang Cotabato makaligad natukiban ini nga nagpositibo sa coronavirus disease 2019 (covid-19).
Sa interbyu sang Bombo Radyo Koronadal kay Arjohn Gangoso, ang health education and promotions officer sang DOH-12, padayon nga gina-monitor ang kahimtangan sang nasambit nga lapsag samtang naka-confine sa Cotabato Regional and Medical Center.
Magluwas diri, stable man ang 11 anyos nga pasyente sang covid-19 bangud sa hugot nga pagbantay sang mga nurse sa ila.
Nagguwa naman nga negatibo sa nasambit nga virus ang ila mga ginikanan kalakip na ang mga nakaatubang sang mga ini.
Base sa latest nga datos sang talatapan kahapon Mayo 29, yara sa 24 ang kumpirmado nga kaso kun sa diin 16 na ang nakarekober sa nasambit nga balatian.
