Barangay kapitan sa Koronadal, nagdepensa sa isyu sang pagtunga-tunga sang P5,000 SAP assistance

KORONADAL CITY – Nagdepensa si Brgy. GPS kapitana Margarita Subaldo kaangot sa isyu sang pagtunga-tunga suno pa sang P5,000 benepisyo halin sa social amelioration program labi na sa iya nasakupan.

Ini makaligad nagdangat sa Bombo Radyo Koronadal ang pila ka mga reklamante sa pahayag nga kinahanglan suno pa sang may katunga agud mabaton ang nasambit nga benepisyo.

Apang pagpaathag ni kapitan Subaldo, ginpanginwala sini ang ginpahayag sang reklamante nga kinahanglan nga may katunga ini agud mabaton ang ayuda.

Ginpasiguro man sini nga nakahanda siya nga sabton ang anuman nga reklamo nga igadangat sa iya talatapan angot sa sini nga isyu agud maathagan ang iya mga nasakupan.