KORONADAL CITY– Wala ginbaton sang 40 ka pamilya sa Barangay Zone 4, Koronadal City ang gintanyag nga P5,000 nga bulig halin sa social amelioration program (SAP) sang Department of Social Welfare and Development (DSWD).
Suno kay Barangay Zone 4 kapitan Gener Janapon, nagdesisyon na lamang ang mga ini nga i-waive ukon ibalik na lamang ang nasambit nga bulig para sa mga nagakadapat magbaton sini labi na nga may yara suno pa sang ikasarang ang mga ini nga buhion ang ila pamilya.
Liwat man sini nga ginduso nga wala ginbaton sang iya asawa nga si Carmelita ang nasambit nga ayuda, samtang ang duha ka utod sini ang nakabaton sang SAP bangud nawad-an sila sang obra.
Panawagan naman sini nga kuntani tingubon na lamang ang igapaguwa nga financial assistance para sa mga apektado nga mga residente.
