KORONADAL CITY – Nagpaguwa sang hibubun-ot ang isa ka SAP beneficiary sa Bombo Radyo Koronadal bangud wala ini nakabaton sang cash aid assistance apesar kwalipikado ini.
Suno kay Dominador Corneja Jr, 59 anyos kag residente sang Prk. Bagong Silang, Brgy. Carpenter Hill, tuman ang iya katingala ngaa wala nalakip ang iya pangalan sa masterlist sa mga matagaan sang bulig pinansyal sang DSWD apesar ginpa-fillup siya sang form sang SAC agud makabaton kuntani sang P5,000 nga ayuda.
Tuman man suno pa ang iya paghulat kag pagbalik-balik sa mga opisyales agud maathagan ang iya estado.
Ginpahayag man sini nga ano na lamang ang ila pagahimoon agud mabuhi labi na nga indi sila mahimo makabiyahe bilang isa ka tricycle driver bangud sa ginapatuman nga lockdown sa probinsya kag ECQ sa siyudad sang Koronadal.
Bukas naman ang Bombo Radyo KOronadal para kay Brgy. Carpenter Hill kapitan Benedicto Pastero mangin sa talatapan sang DSWD agud makapaathag ang mga ini.
