KORONADAL CITY – Hugot ang igapatuman nga mga pagsulondan para sa mga kautoran naton nga mga Muslim angot sa covid-19 kadungan sa pagsugod sang una nga adlaw sang Ramadan sa bug-os nga kalibutan.
Sa eksklusibo nga interbyu sang Bombo Radyo Koronadal kay Abdulrauf Decampong, opisyal sang Koronadal City Grand Mosque sa Brgy. Sta Cruz sang siyudad, ginpahayag sini nga nagpatuman sila sang pila ka protocol bilang tikang suno pa nga posible nga malatnan nga malatnan sang covid-19 ang mga magapadulong kag magahalad sang pangamuyo.
Dugang pa sini, hugot nila nga pagaobserbahan ang social distancing base naman sa mandato sang national government.
Ginadumilian man ang mga outsiders nga makasulod kag makasimba kag ginpakigbahin man sini nga temporaryo nga suspendido ang anuman nga sahi sang gathering sa Islam, sandig sa abiso sang ila mga elders.
Laygay naman sini sa iya mga kautoran nga mas maayo nga saulogan na lamang ang Ramadan sa tagsa nila ka mga panimalay.
Sa ulihi, naghalad ini sang pangamuyo sa tanan ng amga Muslim nga ipangamuyo man ang kaluwasan sang tanan batok sa pandemic virus.
