KORONADAL CITY – Anum ka panibag-o nga myembro sang Bangsamoro Islamic Freedom Fighters-Bungos Faction ang nagsungka sa Alpha Company Base sang Army’s 33rd Infantry Battalion, sa Barangay Mileb, Rajah Buayan, Maguindanao.
Ginkilala ang mga nagsungka nga sanday Naldo Balabay, Nashrudin Kanapia, Abil Kusain, Dok Adam, Alamansa Manampad kag Antok Pendatun.
Ginsungka man sang mga ini ang ila dala nga mga armas luthang kasubong sang Cal. 30 M-1 Garand rifles nga M-14 converted, isa ka improvised Cal .30 sniper rifle, isa man ka improvised Cal. 50 sniper rifle kag duha ka improvised 40mm M79 Grenade Launchers.
Gilayon naman nga gindala ang mga rebelde sa headquarters sang 33rd IB, Philippine Army para sa custodial debriefing.
Samtang, narekober man sang gintingob nga pwersa sang mga suldado kag mga katapo sang Moro Islamic Liberation Front o MILF ang duha ka Improvised Explosive Devices sa ginpatigayon nga clearing operation sa Sitio Dungguan kag Sitio Dama Kayo, Barangay Kalumamis, Guindulungan, Maguindanao.
Suno kay Joint Task Force Central commander Major Gen. Diosdado Carreon, gilayon nga gindala ang mga IED’s sa tactical command post.
Sa subong, padayon nila ginabantayan ang lugar batuk sa lawless groups sa pihak sang nagapadayon nga community quarantine.
