KORONADAL CITY – Nagapatigayon na sang close monitoring ang mga kapulisan sa bug-os nga probinsya sang South Cotabato humalin sang tinalikdan nga adlaw sang gindeklarar ang Pre emptive lockdown sang provincial government sang South Cotabato,pinaagi sa executive order no.17 nga pirmado ni Gov. Reynaldo tamayo, Jr.
Suno kay P/Col. Jemuel Siason, provincial director sang South Cotabato,bangud ang mga kapulisan ang kabahin sang inter-agency task force, nagbutang sila sang mga border control checkpoints sa tagsa ka banwa ilabi na sa ila mga tagsa ka entry points.
Hugot nga ginadumilian nga magasulod sa isa ka lugar ang wala sang essential business mangin man nga indi sa gilayon makaguwa man sa isa ka lugar kon wala sang nagakaigo nga rason.
Dugang pa ni Col. Siason nga may yara man sang pila ka mga exemptions apang dapat kag hugot naton nga pagasundon bangud posible nga ang tanan indi hilway nga makaangkon sang nasambit nga balatian.
Nagpapandam man ang opisyal nga dakpon ang sin-u-man nga indi magsunod sa ginapatuman nga curfew.
Kadungan sini, nagapangayo man ang kapulisan sang kooperasyon gikan sa katawhan.
