-- ADVERTISEMENT --
KORONADAL CITY – Padayon nga nagapaayo sa South Cotabato Provincial Hospital ang isa ka construction worker makaligad nga mahulog ini sa 15 ka tapak nga kataason sang overpass sa Alunan Avenue, Koronadal City.
Ginkilala ang nasambit nga biktima nga si Nikko Bechayda, 28 anyos, wala sang asawa kag residente sang Prk. Balabago, Brgy. Lapuz, Norala, South Cotabato.
Base sa impormasyon nga nakuha sang Bombo Radyo Koronadal, nagapinta lamang si Bechayda sa nasambit nga overpass sang nakuryente ini sang live wire nga nangin kabangdanan sang iya pagkahulog.
Madasig naman ini nga ginrespondehan sang mga kaupod sini kag pila ka mga concerned citizens kag gindangat sa balay bulolngan.
