KORONADAL CITY – Ginahibalo na karon sang Philippine consulate sa Hongkong ang identity sang napulo ka Overseas Filipino Workers (OFW) nga abyan sang isa ka Pinay DH nga nangin positibo sa COVID-19.
Ini ang ginpahayag ni Bombo International Correspondent Shella Mae Gallo sa Bombo Radyo Koronadal.
Suno kay Gallo, ang 32-anyos nga Pinay ang wala ginhingadlan sang Hongkong Authorities bangud man sa seguridad sini.
Nahibaluan nga nalatnan lamang ang nasambit nga OFW sang iya nga employer nga una nga nangin positibo sa corona virus.
Dugang pa ni Gallo, ang Pinay nga nangin positibo sang COVID-19 ang una nga ginpaidalom sa test apang nag-negatibo kag makaligad ang tatlo ka adlaw liwat ini nga ginpaidalom sa test kun diin nagpositibo ini.
Nakaupod pa sang nasambit nga Pinay ang iya nga mga abyan antes ini ginpaidalom sa test rason nga dako ang posibilidad nga nalatnan ang sini sang virus ang napulo ka iban pa.
Sa subong, nagabantay man ang mga OFW sa impormasyon nga igapaguwa sang Philippine consulate agud makilala ang mga ini kag malikawan man nga madamo pa ang malatnan sini.
