Tuman ang kalipay sang mga Kuwaiti employers makaligad mabalitaan nga ginkakas na sang DOLE ang total deployment ban pakadto sa nasambit nga pungsod.
Apang tuman naman ini nga ginkadismaya, ginkasubo kag ginkaakig sang pila ka mga domestic helpers.
Ini ang nangin reaksyon ni Teresa Navarro, isa ka OFW sa Kuwait sa interbyu sang Bombo Radyo Koronadal.
Suno kay Navarro, kasubong nga ginpamatud-an sang Pilipinas sa Kuwait nga madala lamang suno pa sa kwarta ang anuman nga kaso sang pagpangmaltrato ukon pagkapatay sang aton mga kasimanwa sa nasambit nga pungsod.
Ginakabig man suno pa nila nga blessing halin kay Allah ang pag-lift sang nasambit nga ban.
Apang kun pagapamungkuton suno pa ang mga kasimanwa naton sa nasambit nga pungsod, tuman ang ila pagkadismaya kag kaakig sa ginpadasigan nga desisyon sang gobyerno ilabi na nga ang paglaum nga ila ginakaptan amo ang repatriation halin sa mapintas nila nga mga amo samtang yara pa ang ban, apang wala na sila sang mahimo kag tuman ang kaakig nila sa tikang nga ini sang DOLE.
Dugang ni Navarro, nagapati sila nga dapat madangtan sang mga mapintas nga employers ang ginabatyag sang ila ginaabuso nga mga domestic helpers.
Ginpahayag man ni Navarro nga kun ang iya amo nga isa ka retired government employee ang pamangkuton, mas maayo nga luguson man, i-torture kag bitayon ang mga employer ni Jeanelyn Villavende.
Magluwas sini, dinar lamang suno pa ang pangtapal agud masolbar ang tanan nga mga butang.
