KORONADAL CITY – Ginkakas sang mga OFWs sa Japan ang kabalaka sang paglaton sang novel-coronavirus sa cruise ship kun sa diin nagpabilin ang mga pasahero nga naka-contain bangud sa nasambit nga virus.
Suno kay Bombo international correspondent Maribeth Tagalog nga gilayon nga nagpatuman sang alerto ukon lockdown agud indi maglapta ang nCoV.
Ini makaligad nakumpirmar nga isa ka tourguide ang nakumpirmar nga nagpositibo sa nCoV kag posible nga nalatnan ang iban pa.
Suno kay Tagalog, nagapabilin man nga estable ang suplay sang mga pagkaon kag mga kagamitan sang mga pasahero kag crew sa Diamond Princess.
Gindayaw man sini ang preparasyon sang Japan nga madasig magsabat sa anuman nga krisis, kalamidad ukon epidemiya.
Laygay na lamang sini nga pasangkadon ang paghalong kag magsuksok sang facemask agud indi malatnan sang nasambit nga balatian.
