KORONADAL CITY – Ginpabugal sang South Cotabato Police Provincial Office ang pagnubo sang mga kaso nga ginakaulamiran sang children in conflict with the law.
Ini makaligad nakapagkit ang kapulisan sang 44 ka kaso sang CICL umpisa sadtong Enero tubtob Oktobre 2019, kumpara sa 146 nga ila napagkit sa kasubong nga period sang tinalikdan nga tuig.
Suno kay Police Lieutenant Jojie Alog sang Women’s Children and Protection Desk, pinakamadamo sa mga youth offenders ang nalamita sa pagpangawat kag nagabayolar sa curfew hours.
Agud gilayon nga masolusyonan ini, ginadetene ang mga juvenile offenders sa barangay agud mabantayan gihapon sang ila mga ginikanan..
Suno kay Provincial Social Welfare and Development Officer Haydee Agustin, nakahan-ay ang mga programa sa kada barangay sa probinsya agud mabuligan ang mga bata halin sa malain nga bisyo.
