Bigtime coordinator sang illegal gambling, dakpan sa operasyon sang mga otoridad

KORONADAL CITY – Naarestar sang mga kapulisan sa ginpatigayon nga entrapment operation ang isa ka coordinator sang illegal gambling.

Ginkilala ang suspek nga si Edwin Palencia Padernal, 55 anyos kag residente sang Purok Pagkakaisa, Brgy. GPS, Koronadal City.

Sandig sa report, nadakpan sang Koronadal City PNP kag South Cotabato PNP ang nasambit nga suspek sa akto nga nagapataya kag nagahatag suno pa sang resibo nga indi halin sa PCSO sa isa ka poseur bettor sa atubangan sang Provincial Social Welfare and Development Office sa Brgy. Zone III.

Narekober sa suspek ang P20 nga marked money, mga resibo sang last two, P900 nga bet money, tally sheets, kag ballpen.

Sa subong nagapangatubang ini sa kaso nga paglapas sa RA 9287.