KORONADAL CITY- Nagapadayon sa karona ng imbestigasyon sang mga otoridad angot sa nagluntad nga pagpangluthang sa isa ka katapo sang Media sa Cotabato City.
Sa esklusibo nga interbyu sang Bombo Radyo Koronadal kay Pol Lt Col Lino Capillan, spokeperson sang PNP 12, ginkilala ang biktima nga si Benjie Caballero, 38 anyos, station manager sang Radyo Ni Juan nga naga-operate sa Tacurong City.
Suno kay Capillan, gintiro ang biktima sang wala pa matumod nga mga suspek samtang nagahulat ini sang masakyan sa atubang mismo sa ila nga balay sa Brgy Poblacion.
Naka-angkon suno pa sang 5 ka igo sang bala ang biktima nga kritikal sa karon ang kondisyon sa isa ka ospital sa Tacurong.
Kaangot sini, hugot naman nga ginkondinar ni Presidential Task Force on Media Security Executive Director Undersecretary Joel Sy Egco ang kasubong nga insidente kun sa diin padayon ang ila nga kooperasyon sa PNP.
Suno kay Egco, suod sini nga abyan si Caballero kag wala ini sang kilala nga kontra sang biktima.
Nahibaluan nga si Caballero ang presidente sang Sultan Kudarat provincial task force on media security.
Sa karon, may ginatan-aw na nga motibo sa krimen kag posible suno pa nga may kaangtanan sa ginsudlan sini nga financing business ang pagluthang sa iya..//
