-- ADVERTISEMENT --
KORONADAL CITY – Halos indi na makilal-an ang isa ka lalaki makaligad nga nabunggoan ini sang isa ka dumptruck sa nagluntad nga aksidente sa bahin sang National Highway sang Brgy. Magsaysay, Polomolok, South Cotabato.
Suno sa pila ka testigo, madasig suno pa ang dalagan sang dumptruck nga ginapanag-iyahan pa sang LGU Polomolok kun sa diin nabunggoan ang motorsiklo nga ginasakyan nga biktima sang nag-overtake ini.
Nagtabog naman ang biktima kag nalapakan pa ang ulo sini nga nangin kabangdanan sang iya hinali nga kamatayon.
Nahibaloan nga isa ka mason sa LGU Polomolok ang nasambit nga biktima.
Gilayon naman nga nagsungka sa Polomolok PNP ang suspek matapos ang nagluntad nga aksidente.
