KORONADAL CITY – Liwat ginpaandaman sang South Cotabato PNP ang mga pulis nga padayon sa gihapon nga nagasuporta ukon naga-invest sa Kapa investment scam nga magapangatubang sila sa nagakaigo nga silot kun ipadayon ang ila ginahimo.
Ginhimo ni PCol. Joel Limson, ang provincial director sang South Cotabato PNP ang paandam kasunod sa ginpaguwa nga memorandum kun sa diin ginpahayag sang opisyal na posible nga magapangatubang sa disobedience ang mga pulis nga naga-engage, naga-solicit, ukon nag-intra sa sini nga ilegal nga kahimoan.
Suno kay Limson, nagaduda siya nga magabalik pa ang operasyon sang Kapa apesar magsumiter pa sila sang mga requirements bangud sa patong-patong nga kaso nga ginakaatubang nila sa korte.
Gintawag man sini nga ‘swapang’ kag ‘tanga’ yadtong padayon nga nagapati nga magabalik pa ang operasyon sang nasambit nga investment scam.
Ginpunto ni Limson nga nakatuon na sang leksyon ang mga tawo makaligad ginatunto lamang sila sang Kapa makaligad sila nga naghulat sa ila talatapan indi para mag-intra apang bawion ang ila kwarta apang napaslawan.
