KORONADAL CITY- Arestado ang 2 ka persona makaligad ang ginpatigayon nga buy-bust operation sang mga otoridad sa Brgy Sta Cruz, Koronadal City.
Ginkilala ang mga suspek nga sanday Miko Garcia Degayo alyas “Miko”, 27-anyos, single, isa ka driver kag residente sang Prk Masipag, Brgy Sta Cruzs kag si Joselito Patangan Ingles alyas “Tata”, 36-anyos, single, isa ka construction worker kag residente sang Prk Pag-ibig, Brgy Zone 3, Koronadal City.
Sa nasambit nga operasyon, narekober sa mga suspek ang 1 ka sachet sang ginapatihan nga shabu nga nagabalor sang P1,000 kag ang marked money nga P500.
Sa karon, yara na ang mga ini sa kustodiya sang Koronadal City PNP kag magapangatubang sa kaso nga paglapas sa RA 9165 ukon Comprehensive Dangerous Drugs Act of 2002.
