KORONADAL CITY- Nagpaidalom sa laparospic procedure ang isa ka 63 anyos nga Vietnamese nga babaye agud kun tani kakason ang ginapatihan nga tumour sa iya nga puwak.
Apang nasurprise kag nakibot ang doktor nga sa baylo tumour ang ila makakas, isa ka six-inch nga linta ang nakuha sa puwak sang babaye kag ginapatihan nga tatlo ka bulan na ini nga nagatinir sa sulod sang iya puwak.
Ang wala na ginhingadlan nga babaye nga naghalin sa nabukid nga bahin sang Ha Giang province sa Vietnam ang una na suno pa nga nagareklamo nga nagasakit ang iya ulo kag naka eksperyensya sang nasal congestion kag kasubong nga makabatyag ini nga masami may mga mucous fluid nga yara sa iya nga puwak sa sulod na sang pila ka semana.
Una na suno pa ini nga nagpatsekyar sa balay bululngan agud makig kita sa ENT (ear, nose and throat) specialist agud nga magpaidalom sa mga test kun sa diin nakatukib sila sang indi matumod nga mass sa iya nga puwak.
Ini naman ang rason kun nga-a gin-schedule ini nga magpaidalom sa laparoscopic surgery agud makakas kun tani ang mass nga ginpatihan nila nga tumour apang sa tunga sang operasyon isa gali ka linta ang nagatapik sa puwak sang babaye.
Ginpakigbahin naman ni Dr. Nguyen Thanh Nam, Deputy Director sa ospital sa Ha Giang, ang insidente makaligad makakuha sang patient’s consent kag mangin ang laragway sang linta nga nagahulag pa sang ila makakas sa puwak sini.
Palamangkutanon naman kun paano nakasulod sa puwak sini ang linta apang posible aksidente ini niya nga natulon sang nagapaligo sa suba ukon nag-inom sang tubig nga halin sa suba.
Sa karon luwas na ang nasambit nga babaye makaligad makakas ang linta sa iya puwak.
