Ginbuyagyag sang Islamic Revolutionary Guard Corps (IRGC) sang Iran nga apat ka oil tanker ang nasunog kag nagbuto samtang nagalabay sa Strait of Hormuz.
Suno sa ila, nagagamit ang mga barko sang indi awtorisado nga mga ruta.
Samtang, nagpahayag si US President Donald Trump nga posible nga matapos sa indi madugay ang kinagamo batok sa Iran.
Apang gin-insister niya nga kinahanglan sang Washington ang garantiya nga indi na ini makahimo sang nuclear weapon.
Sa pihak sang nagapadayon nga tensyon, nagbalik sa Tehran ang delegasyon halin sa Qatar para sa mga pagpakigpulong.
Ginkumpirmar man sang isa ka Iranian source nga nakabaton ang Iran sang sulat halin sa Estados Unidos parte sa pagtapos sang inaway.
Sa pihak nga bahin, ginpahayag sang Saudi-led coalition nga ila naharang ang mga drone sang Houthi group sa Eastern, Medina kag Mecca regions sang Saudi Arabia.
Apang ginpanginwala sang Houthi group nga sila ang naglunsar sang bisan ano nga pag-atake sa Saudi Arabia sang Biyernes.
Nagapabilin nga mabudlay ang sitwasyon sa Middle East samtang nagapadayon ang tensyon militar kag mga paninguha nga masolbar ang kinagamo paagi sa negosasyon.
