KORONADAL CITY – May ginasundan na nga grupo ang Lambayong PNP kaangot sa hana nga pagpasigabong sang isa ka bomba sa Brgy. Tinumigues sa nasambit nga banwa.
Ini makaligad napunggan ang pagpamomba kuntani sa ila area of responsibility makaligad nakit-an sang mga katapo sang 2nd Mechanized Infantry Battalion ang duha ka lalaki nga nagbilin sang isa ka sako nga may unod nga 81mm mortar.
Ginhana pa nga lagson sang mga otoridad ang nasambit nga mga indibidwal apang nakit-an ang nasambit nga bomba nga posible nga magsigabong anuman nga oras.
Bangud sini gilayon nga naghulag ang EOD team nga amo ang nag-defuse sa nasambit nga eksplosibo.
Sa ekslusibo nga interbyu sang Bombo Radyo Koronadal kay P/Lt. Gino Fegarido, hepe sang Lambayong PNP, ginbuyagyag sini nga isa ka semana antes ini natabo, may nabaton sila nga intelligence report nga may ipasulod suno pa nga IED sa ila banwa.
Bangud diri, mas ginpahugtan pa sang Lambayong PNP ang ila seguridad kasunod sang natabo.
Nagaapela naman ini sa mga pumuluyo nga makig-angot sa mga otoridad agud malantaw ang mga makaduloda nga butang ukon tawo sa ila nasakupan.
