KORONADAL CITY- Nadakpan ang tatlo ka mga traysikel driver sa syudad sang Koronadal sa ginpatigayon nga hugot nga operasyon sang mga katapo sang Koronadal City Traffic Section batuk sa mga colorum vehicles kag mga pasaway nga driver sa syudad.
Sa ekslusibo nga interbyu sa Bombo Radyo Koronadal kay Koronadal City Traffic Chief Ruel Bagunoc, ang tatlo ka mga traysikel driver ang nadakpan nga nagabutang sang espiho sa atubang kag idalom nga bahin sang ginapungkuan sang mga pasahero kun sa diin tinutuyo sini amuh ang malingling ang mga nakapalda nga babaye kag mga nakasuksok sang medyo naga gwa ang cleavage.
Gilayon naman nga ginsermonan ang mga nadakpan kag ginhatagan man sang sancton kag ginpakakas ang ginpangbutang nga espiho agud indi mausar sa pagpanglingling kag pagpangbastos nga mga babaye nga pasahero.
Nahibaluan nga posible magtuga man suno pa ini sang disgrasya ilabi na kag nakafocus ang atensyon sang driver sa espiho kag indi sa dalanon.
Ginpanginwala naman sang tatlo ka nadakpan ang akusasyon batuk sa ila
