KORONADAL CITY- Napunggan sang mga katapo sang 27th Infantry Battalion Philippine Army ang plano nga pagpang atake sang mga komunista kag rebelde nga New People’s Army sa banwa sang T’boli, South Cotabato.
Sa ekslusibo nga interbyu sang Bombo Radyo Koronadal kay 27th Infantry Battalion Philippine Army Commander Lt. Col. Jones Otida nakabaton sang report ang tropa halin sa mga residente angot sa mga ginahupot nga mga armas sang mga rebelde nga grupo nga paga usaron sang mga ini sa plano nga pagsunog sa isa ka malapad nga banana plantation sa lugar.
Gilayon naman nga nagresponder ang militar kag narekober sa Mr. Marbao, Brgy. Kematu, T’boli, South Cotabato ang mga armas nga ginakabug-usan sang M60, Bulldog Machine Gun kag mga bala kag iban pa nga mga kagamitan sa pagahimuon nga pag-atake.
Posible halin sa Platoon Brigol, Guerilla Front Musa Far South Mindanao Region ang nasambit nga mga armas.
