KORONADAL CITY – Ginpahayag ni Police Col Joel Limson, hepe sang South Cotabato PNP nga persons of interest na sila sa nagluntad nga grenade throwing sa PNP substation sa Brgy. Aflek, Tboli SoCot.
Sa interbyu sang Bombo Radyo Koronadal kay Col. Limson may mga residente nga nakakita sang mga suspek sa nasambit nga insidente.
Kaangot sini gina angot naman ang grenade throwing sa isa ka rape suspect nga residente sang lugar nga kasamtangan gina tago kag ginaprotehiran sang isa ka criminal group sa Polomolok, SoCot.
Madumduman nga kahapon, wasak ang bintana sang PNP substation samtang pilason naman ang utility sini.
Samtang, sinpasiguro man sang opisyal nga padayon ang pagpatuman sang security measures sa bug-os nga probinsya sang South Cotabato.
Nakamonitor ang PNP kag may mga checkpoints nga ginapatuman sa kada entry kag exit points sang probinsya.
Samtang kaangot sa pagbag-o sang pila ka mga hepe sang mga banwa kag isa ka syudad sa SoCot may dyutay lamamg nga adjustments sa mga ini apang padayon ang pagpatuman sang standard operating procedure sa pagpatuman sang peace and order sa kada lugar.
