KORONADAL CITY – Nagpatigayon sang hublag protesta ang ginatos ka mga indibidwal sa atubang sang talatapan sag Department of Agrarian Reform sa syudad sang Koronadal.
Ginpangunahan ini sang mga miyembro Defeño Agriculture Cooperatives sa pagpanguna sang ila chairman nga si Ephraim Defeño.
Sa ekslusibo nga interbyu sang Bombo Radyo Koronadal kay Defeño ang tinutuyo sang ila hublag protesta ang agud ipanawagan kay Pres. Rodrigo Duterte ang dinekada na nga problema sa pagpamulos suno pa sang dako nga kumbuyuhan nga DOLE sa mga kadutaan sang mga settlers sa probinsya.
Gin insister man sini nga ginsindikato suno pa sila sang tion ni anay Pres. Ferdinand Marcos tubtob sa administrasyon ni Pres. Benigno Aquino III, kaupod ang mga opisyal suno pa sang DAR kag sang pila ka mga opisyales sa South Cotabato.
Dugang pa nga ila man gina insister nga mabalik ang ila kadutaan.
Samtang halin sa syudad sang Koronadal nag martsa ang mga raliyesta padulong sa banwa sang Polomolok, South Cotabato.
Samtang, nagpatigayon man sang protesta ang madamo nga mga miyembro sang Indigenou People community sa South Cotabato kadungan sanng World’s Indigenous Peoples Day.
Sa interbyu sang Bombo Radyo kay Delma Paan sang KALUHAMIN, kadungan sang selebrasyon sang mga katutubo, gindungan man sang mga ini ang panawagan sa Duterte administration nga untaton na ang militarisasyon ilabi na sa Mindanao.
Dugang pa sini nga nagakadapat man suno pa untaton na ang mga nagkalain lain nga pagpanglapak sa tawhanong kinamatarong sang mga lumad sa pungod ilabi na sa South Cotabato.
